كلمات اغنية ايام زمان 2 احمد مكي 2012

=Tahoma>كلمات اغنية ايام زمان 2

نفسي ارجع اعيش يوم واحد من ايام زمان
ايام ما كان الواحد دايما حاسس بالامان
بنعيش اليوم بيومه مش فاهمين غدر الزمان
صفحة اعمالنا لسه بيضة احباب الرحمن
لسه ما فهمتش معنى الخبث .. معنى الخيانة
لسه ما فهمتش ان فيه ناس سوسة وجبانة
ناس تطعن فيك من ضهرك وفى وشك تديك ابتسامة
=Tahoma>تطعن فيك من ضهرك وفى وشك تديك ابتسامة
حتى الفلوس كانت بالنسبالي شوية ورق
عشان خاطر الفلوس انسان قتل انسان سرق
الناس بقة على الفلوس مسعورة وفى سبأ
اللى سبأ كال النبأ مثل صدق صدق
نفسي ارجع انام على سريري بتاع زمان
اول ما كنت احط راسي ع المخدة انام
مش شايل هم .. شايف كارتون حاسس سلام
دلوقتى النوم بيهرب من التفكير من الآلام

=Tahoma> كان قلبي طيب ابيض ناعم م غير خدوش
اتحول غامق متجرح غريب وماعرفهوش
ببص ف المرايه مافهمتش ايه الحكايه
انسان بوش ومتشوه لابس ماسك البشوش

كل اما بكبر حجم ذنوبي بيكبر
واقول مش هذنب واذنب اكتر واكتر
كل اما بكبر جزء من وش الدنيا المتشوه يظهر
واعدائي بتكتر
وبتفضل اعدائك تكتر طول ما انت بتكبر
اقرب ناس اليك هما اشرس اعدائك دي افجر
وشي زادت خطوطه كشر .. وقلبي اتحجر
بطلت احس زي الاول بقى صعب اتاثر
بطلت انى اضحك من قلبي بطلت اعرف اكركر
قيمة معنى الصراحة راحة ما تتحسبش
الناس كل اما بتكبر فوق وشوشها بتلبس وش
عشان الدنيا تمشي كله بينافق ويغش
لو تكره حد وهيفيدك كرهك ليه ما تبينش
وانا اصغير لو كنت احب حد احضن وابوس
ولو كاره لحد وشي بيبدأ فى العبوس
فكره ان اللى جوه غير بره مش فى القاموس
كل اللى باين ع المسرح هو اللى فى الكالوس
لسه فاكر لذة اول مرة فى كل حاجة
طول ما انت بتكبر لذتك بتتقتل اعادة
وبتفضل تتقتل وبتتحول من رغبة لعادة
حلاوة طعم الاكتشاف تقلب لقهوة سادة

=Tahoma>كان قلبي طيب ابيض ناعم م غير خدوش
اتحول غامق متجرح غريب وماعرفهوش
ببص ف المرايه مافهمتش ايه الحكايه
انسان بوش ومتشوه لابس ماسك البشوش

ايام زمان
نفسي ارجع اعيش يوم واحد من ايام زمان


3 تعليقات

  1. جاري كتابة كلمات الاغنية كاملة حااااااالا

  2. منورنا

  3. جميل مان

اضف رد

لن يتم نشر البريد الإلكتروني . الحقول المطلوبة مشار لها بـ *

*