ماسكات بالأعشاب للشعر


هنقدم لكم مجموعة م الماسكات للشعر المجهد
والتالف كلها مستخلصة م الأعشاب والزيوت الطبيعية

لوسيون بخلاصة الصبار لتساقط الشعر

المقادير:

3 ملعقة صغيرة خلاصة الصبار المائية
ملعقة صغيرة عسل نحل

الطريقة:

دوّبي العسل مع خلاصة الصبار المائية كويس، وحطّي اللوسيون ده على جذور الشعر بعد ما تغسليه كويس بالشامبو، وسيبيه لمدة ساعة أو ساعة ونصف بالكتير، وبعد كده اشطفي شعرك بالميه، وكرّري اللوسيون ده لمدة أسبوع أو 15 يوم على الأقل، وهتحصلي على نتيجة هايلة.

اللوسيون ده بالإضافة إلى إنه بيعالج تساقط الشعر، فهو بيساعد كمان في القضاء على القشرة، وتقوية بصيلات الشعر وتغذيتها.

لوسيون الطمي المغربي لشعر ناعم ولامع

المقادير:

3 ملعقة كبيرة طمي مغربي
ملعقة صغيرة زيت ورد
ملعقة صغيرة ماء ورد

الطريقة:

ضيفي زيت الورد للطمي، وقلّبيهم لحد ما يمتزجوا تماما، وبعد كده عليهم مية الورد، لحد ما يبقى قوامهم لزج ومتناسق، ودفّيه على النار شوية، وبعد كده حطّي الخليط ده في برطمان زجاجي، ورجّيه كويس وحطّيه على الشعر بعد غسله، وسيبيه لمدة 20 دقيقة بالكتير، وبعد كده اشطفي شعرك بالميه كويس.


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.