طريقة عمل كباب وكفتة مشوية


مقادير وطريقة عمل كباب وكفتة مشوية

المقادير:

½ كيلو ريش ضاني
½ كيلو لحمة ضاني مفرومة للكفتة
كيلو لحمة ضاني للكباب مقطّعة مكعبات
2 ملعقة كبيرة بقدونس مفروم ناعم
4 ثمرة بصل متوسطة الحجم
عصير طماطم
عصير ليمون
ملح وفلفل
زعتر

الطريقة:

اول حاجة ابشري البصل وضيفي عليه شوية خل وملح صغيّرين علشان ينزّل المية بتاعته، وبعد كده صفّيه من المية كويس وسيبيه على جنب بعدين حطّي قطع اللحمة (الكباب) والريش في مية البصل وتبّليها بالملح والفلفل، وضيفي عليها شوية زعتر وعصير طماطم وعصير ليمون، وغطّيها وشيليها في الثلاجة لمدة 3 ساعات على الأقل علشان تتشرّب من التتبيلة بعدين ضيفي البصل المبشور -اللي صفّتيه من الميه بتاعته- والبقدونس على اللحمة المفروم علشان تعملي الكفتة، وتبّليها بالملح والفلفل بعدين حطّي الكباب في الأسياخ، بس راعي إن عددها يكون قليّل وتكون في منتصف السيخ بعدين صبّعي اللحمة المفرومة على الأسياخ، مع الضغط عليها علشان حجمها يبقى متساوي و حطّي أسياخ الكباب والكفتة مع الريش على الشواية وسيبيها لغاية ما تستوي، بس راعي إن كل حاجة منها ليها توقيت في السَّوى، فلازم تكوني منتبهة كويس علشان الحاجة ما تنشفش منك، وكمان لما تحطّي الكفتة على الشواية سيبيها لمدة دقيقتين، وبعد كده اقلبيها على الجنب التاني علشان تتماسك كويس وما تفكّش من السيخ، وعند التقديم ممكن تقدّمي معاهم خضراوات مشوية وسلطة خضراء.. وبالهنا والشفا.


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.