كلمات اغنية مالك يا دنيا حماده هلال 2012

مالك يادنيا

مالك يادنيا ايه الي فيكي اتغير ؟
مالك يادنيا طبعك غريب ويحير
كل مرة بقول فهمتك بحس اني لسه صغير

مالك يادنيا ساعات تبقي واضحه وباينه
مالك يادنيا ساعات ببقي شايفك خاينه


خلتيني كتير خاصمتك وبرجع واقول مش هاينه
ساعات بنسي عذابك ليا واداوي ف جرحي واطيب
واعمل قلبي بحور حنيه واضم بعيد واقريب
ساعات بندم واكره فيا الواد ابو قلب طيب

زمان كنت بصبر نفسي وادوس ع قلبي وارضي
رضيت بألمي وجرحي ويأسي رضيت م غير معارضه
مفيش حلم م الي ف نفسي اتحقق للنهارده

مالك يادنيا ايه الي فيكي اتغير ؟
مالك يادنيا طبعك غريب ويحير
كل مرة بقول فهمتك بحس اني لسه صغير

زمان كنتي يا دنيا بحدد صاحبي مابين اعدائي
وكان جرحي اما بيتبدد ف الف طبيب يداوي
الايام دي الي بيتودد بيختمها بفراقي

الايام دي ساعات بستغرب هي ازاي متعاشة
ناس للشر بقت تستقرب وناس بتزيد وحاشه
الايام دي يا دنيا الاغرب عملتي الندل باشا

مالك يادنيا ايه الي فيكي اتغير ؟
مالك يادنيا طبعك غريب ويحير
كل مرة بقول فهمتك بحس اني لسه صغير

زمان وانا دمعتي ع خدي والمي بتكوي فيا
كنت بقول ايام وتعدي وتروقي يادنيا ليا
مليون حلم زرعته بيدي وطرح جرح وقاسيه
مليون ذكري لمليون واحد جرحني وكان ظالمني
كل ما اسلم قلبي لواحد بيطلع كان واهمني
وصلتيني اني بقيت واحد بجد مش فاهمني

شوفت بعيني عيون تتهني وعيوني تبات بتدمع
واقول ياض اصبر واستني واطفي ف نار بتوجع
م الي انا شايفه بقيت بتمني ياريت الماضي يرجع


2 تعليقات

  1. رووووووووووووووووووووعه ابدعت وتألقت

    بأنتظار جديدك

    مر من هنااااا

    صديق الدمووووووع

اضف رد

لن يتم نشر البريد الإلكتروني . الحقول المطلوبة مشار لها بـ *

*


Time limit is exhausted. Please reload CAPTCHA.