طريقة عمل الكريم كراميل


كيفية عمل الكريم كراميل في البيت هانقولك علي الخطوات والمقادير وبالهنا والشفا انتي واسرتك
الكمية تكفي لـ4 أشخاص ووقت التحضير 60 دقيقة وقت الطهي 45 دقيقة

مقادير كريم الكراميل

6 بيضات
3 كوب حليب دافئ
1 ونص كوب سكر فانيليا

طريقة تحضر كريم الكراميل

اضربى كله فى الخلاط ولازم يكون الحليب بتاعك يكون دافى يعنى لا هو سخن ولا بارد
وحطى فانليا وتضربى المقادير لغاية لما تحسى ان ريحة البيض راحت وبقى عندك ميكس ريحته حلوه
وخلاص كده خلص الكريم نيجى للكراميل ضعى على النار حوالى نص كوب سكر وعليه 3 ملاعق ماء وافضلى قلبى فيه الى ان يصل للون الاحمر الذهبى بس ركزى واوعى يتحرق منك
لازم التقليب المستمر على نار متوسطه كده خلص الكراميل سخنى الفرن وظبطيه على حراره متوسطه
ضعى فى كل كوب كميه بسيطه من الكراميل وعليها الكريم وضعى كل الاطباق فى صنيه بها ماء مغلى
يعنى هنعمله حمام مائى مع ملاحظة ان المايه اللى فى الصنيه تصل فقط لنصف كوبايات الكريم كراميل لا ازيد ولا اقل وعلى الفرن عدل بيقعد فى الفرن من ساعه ونص لساعتين تقريبا وفى ملاحظتين هامين هنا

الاولى حرارة الفرن تكون متوسطه يعنى مش عاليه اوى ولا منخفضه اوى
التانيه متقعديش تفتحى عليه كل شويه يافتوكه عشان ميهبطش

وطبعا بتختبريه بسكينه او معلقه ان خرجت نظيفه منه يبقى كده استوى بتسبيه يستريح شويه من الفرن وعلى التلاجه عدل 12 ساعه مش شرط 12 ساعه بالظبط بس كل ما قعد فى التلاجه فتره اطول كل ما كان اجمل

وبالهنا والشفا


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.