كيفية عمل كريب اللحمة


طريقة عمل الكريب باللحمة بطريقة سهل في البيت وممكن تستخدمي بواقي اللحمة أو الفراخ اللي بتفضل عندك بعد أي عزومة وتستخدميها في عمل الكريب باللحمة وهانقولك علي طريقة عمل الكريب باللحمة
والمقادير وكمان ازاي تجملي الكريب

مقادير عجينة الكريب:

½ ملعقة صغيرة زيت زيتون
¾ كوب دقيق
¾ كوب ميه
2 بيضة
ملح

لحشو الكريب

كوب لحمة مفرومة أو فراخ مقطّعة قطع صغيرة
½ كوب جبنة رومي مبشورة
¼ ملعقة صغيرة فلفل أحمر
كوب جبنة موتزاريللا
كوب جبنة كريمي
¼ كوب بقدونس
بيضة

لتزين الكريب باللحمة

1½ كوب صلصة
2 ملعقة صغيرة زيت زيتون
¼ كوب جبنة رومي مبشورة

طريقة عمل الكريب باللحمة

1- لعمل عجينة الكريب؛ اخلطي المكوّنات كلها مع بعض لحد ما يبقى الخليط متجانس، وغطّيه وحطّيه في الثلاجة لمدة ساعة على الأقل.

2- لتحضير الحشو؛ قلّبي المكونات كلها مع بعض كويس وسيبيهم على جنب.

3- ادهني الطاسة بزيت الزيتون، وبعد كده خدي شوية من عجينة الكريب وحطّيها في الطاسة وسوّيها وسيبيها شوية على النار لغاية ما العجينة يبقى لونها دهبي، وبعد كده اقلّبيها على الناحية التانية، وبكده تكوني عملتي واحدة كريب، وكرّري نفس الخطوة مع باقي كمية العجين اللي عندك.

4- ادهني الصينية بنصف كمية الصلصة اللي إنتي مجهزاها للتزيين، وابدئي حطّي الحشو في الكريب ولفّيه، وحطّيه في الصينية وكرّري ده مع باقي الكريب، وبعد كده ضيفي عليهم باقي الصلصة والجبنة الرومي وزيت زيتون، وحطّي الصينية في الفرن لمدة 45 دقيقة، وبعد كده طلّعيها وقدّميها.. وبالهنا والشفا.


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.