كيفية عمل سمبوسك الفراخ والجبنة



طريقة عمل سمبوسك الفراخ والجبنة

المقادير:

باكيت سمبوسك
3 صدر فراخ مقطع مكعبات صغيرة
عود كرفس مقطّع مكعبات صغيرة
ملح وفلفل أسود حسب الرغبة
كوب جبنة موتزاريلا مبشورة
ملعقة صغيرة كزبرة مطحونة
ربع ملعقة صغيرة مستكة
ربع كوب جبنة مطبوخة
2 بصلة كبيرة مفرومة
ملعقة صغيرة بهارات
ملعقة صغيرة بابريكا
3 فص ثوم مهروس
2 ثمرة جزر مبشور
2 ملعقة كبيرة زبدة
ملعقة صغيرة كركم
ملعقة صغيرة شطة

الطريقة:

1- سيحي الزبدة مع المستكة في طاسة على نار متوسطة وبعد كده حطي البصل والكرفس والثوم
وشوحيهم مع بعض وسيبيهم لغاية ما البصل والكرفس يدبلوا شوية

2- اخلطي الكركم والبابريكا والشطة والبهارات والكزبرة مع بعض
وضيفيهم على خليط البصل والكرفس

3- حطّي الفراخ مع الخليط وتبليه بكمية ملح وفلفل مناسبة وقلبيهم كويس مع
بعض وسيبيه لغاية ما الفراخ تستوي وبعد كده ضيفي الجزر عليهم وقلبيهم شوية مع بعض

4- ارفعي الخليط من على النار وسيبيه يبرد شوية وبعد كده ضيفي عليه
الجبنة الموتزاريلا والجبنة المطبوخة وقلبيهم مع بعض

5- اخلطي ملعقة أو ملعقتين دقيق مع شوية ميه علشان تلزقي بيهم آخر طرف
من السمبوسك علشان ما تفكّش منك وبعد كده ابدئي احشي السمبوسك واقليها في زيت غزير لغاية ما
لونها يبقى دهبي

6- قدمي قطع السمبوسك في طبق التقديم وتقدري تستمعي بيها في العشاء
مع البطاطس الشيبسي

وبالهنا والشفا


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.