طريقة عمل فطائر بالثوم والجبنة – فطائر بالثوم والجبنة


كيفية عمل فطائر بالثوم والجبنة بطريقة سهلة وبسيطة ليكي وللاسرة وممكن تعمليها ف الفطار او ف العشا

مقادير فطائر بالثوم والجبنة

2 وربع كوب دقيق
2 ملعقة كبيرة بقدونس مفروم
1ونص ملعقة كبيرة زبدة سايحة
علبة خميرة
كوب ميه
بيضة
ملعقة كبيرة زيت زيتون
نص ملعقة صغيرة سكر
ملعقة صغيرة ملح
جبنة رومي مبشور
3 فص ثوم مفروم
فلفل أسود وشطة

طريقة عمل الفطائر

اخلطي الخميرة والمية ونص كوب دقيق مع بعض كويس وبعد كده ضيفي السكر وقلبيه كويس
وبعدين غطي الخليط وسيبيه في مكان دافئ لمدة 20 دقيقة بعدين ارفعي الغطاء عن خليط الخميرة
والدقيق وضيفي عليه الملح وزيت الزيتون والبيضة واخلطيهم مع بعض كويس وبعدين ضيفي باقي الدقيق
واخلطيهم مع بعض لحد ما تتجانس العجينة وبعد كده غطي العجينة وسيبيها ف مكان دافئ لمدة م
ساعة إلى ساعة ونصف رشي طبقة خفيفة م الدقيق ع العجينة وابدأي افرديها وبعدين قلبي الزبدة
مع الثوم وادهني بيهم العجينة وبعدين رشي عليهم الجبنة والفلفل الأسود والشطة والبقدونس
افردي أطراف العجينة بإيديكي وادهنيها بطبقة خفيفة م زيت الزيتون وبعد كده ابدأي لفي العجينة
وبعدين اقسميها لنصفين وقطعي كل نصف لـ4 قطع وبعد كده افتحي كل قطعة بالسكينة م فوق
وبعدين ادهنيهم بزيت الزيتون ورشي عليهم الجبنة بعدين سيبيي اللفائف ف مكان دافئ لمدة 20 دقيقة
وبعد كده دخليهم الفرن لمدة 20 دقيقة وقدميه وبالهنا والشفا ع قلبكم يارب


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.