اكلات صيامي مسيحية


بمناسبة ان الاخوة المسيحيين بدءوا الصيام سنقدم لكم اكلات سهلة وبسيطة لصيامكم

1.كوسة بالحمص

مقادير الكوسة بالحمص

– كيلو كوسة
– ربع كيلو حمص طبيخ.
– بصلة مقطعة قطعاً صغيرة.
– 5 فصوص ثوم مفروم.
– حبة فلفل أحمر مقطعة قطعاً صغيرة.
– 3 أكواب عصير طماطم.
– ربع كوب زيت ذرة.
– ملح وفلفل.

الطريقة

أحضري الحمص واغسليه كويس وبعد كده انقعيه لمدة ساعتين ف الماء بعد مرور الساعتين اغلي الحمص
ف الماء كويس لغاية ما يستوي وبعد كده صفيه من الماء أحضري الكوسة واغسليها كويس وبعد كده قطعيها
شرائح طويلة سخني الزيت ع النار وبعد كده ضيفي إليه البصل وقلبيه كويس لغاية ما لونه يبقى ذهبي لما
تلاقي إن البصل لونه بقى ذهبي ضيفي الثوم المفروم وقلبيهم مع بعض لمدة خمس دقائق وبعد كده
ضيفي إليهم عصير الطماطم والفلفل الأحمر وسيبيهم لمدة ربع ساعة ع النار مع التقليب م وقت لآخر
بعد مرور ربع ساعة ضيفي الكوسة والملح والفلفل والحمص وسيبيهم على النار لمدة ربع ساعة أو لغاية
ما تلاقي إن الحمص والكوسة استوا ممكن إنك تضيفي ميه لو حسيتي إن الأكل قوامه سميك
بعد ما الكوسة تستوي اغرفيها في أطباق التقديم، ممكن مع الطبق ده إنك تعملي طبق أرز بالشعرية
أو أرز أبيض

2.هامبورجر البطاطا بالبسلة والرز

المقادير

– كوب رز أبيض.
– حبة بطاطا متوسطة الحجم مغسولة ومتقشرة ومتقطعة شرائح.
– كوب ونصف بسلة مسلوقة.
– رغيف خبز مقطع قطعاً صغيرة.
– معلقتين كمون.
– فص ثوم مفروم.
– معلقتين بقدونس مفروم.
– ملح وفلفل أسود مطحون.
– معلقتين زيت زيتون.
– صلصة حراقة للتقديم

الطريقة

اسلقي الرز عن طريق إنك تحطيه ف ميه مغلية فيها ملح لمدة 15 دقيقة أو لحد ما يبقى طري
وبعد كده صفيه من الميه كويس ف الوقت اللي الأرز بيتسلق فيه اسلقي البطاطا ف حلة فيها ميه مغلية
وملح لمدة 15 دقيقة أو لحد ما تطرى وبعد كده صفيها م الميه كويس أحضري طبق كبير وحطي فيه البطاطا
واهرسيها بالشوكة لغاية ما تبقى عجينة ضيفي إليها الأرز والبسلة وقطع الخبز والكمون والثوم والبقدونس
والملح والفلفل وقلبيهم مع بعض كويس ابدئي ف تشكيل الخليط السابق ع شكل أقراص تُشبه أقراص
الهامبورجر سخني الزيت ع النار كويس واقلي فيه أقراص الهامبورجر لمدة عشر دقائق مع مراعاة التقليب
م حين لآخر عشان يحمر بعدين طلعيه م الزيت وحطيه ف طبق التقديم وحطي معاه الصلصة الحارة
ممكن مع الطبق ده تعملي بطاطس محمرة

وكل عام وانتم بخير


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.