كلمات قصيدة صوت مرعوش ندى الشبراوى


صوت مرعوش

كلمات: ندى الشبراوى
أداء صوتي : زينة قطري

ورعشة صوتها فى ازيك
كانت اقوى من الرغى الى بعديها
لا ماتت فيها اشوقها ولا عرفت تخبيها
بقالها سنين بتشتاق بس جواها
وكانت راضيه تموت فى هواه
عشان حبه بيحيها
وساعت ماالكلام بقا جد
داارت وشها عنه
عشان خافت عنيها تيجى ف عيونه
ويكشفها هتفتح قلبها ف ثانية
ومش هيعوز يحلفها
ويتنحنح وعينه ف السما تايهه
ويمدحها ويوصفها ويشرح ليها كام واحد يتمنى تقولهاله
لكنه شايفها زى اخته
ومش ممكن هتبقاله
فتبلع دمعها فيها يطيب قلبها المكلوم
فى صوت نبضه يصير مكتوم ومش طالع
وترد عليه بكل برود نكون اخوات وايه المانع
وتتعب ليه وليه تيجى على روحها
عشان تسمع كلام ماتقالش من نفسه
وليه الكلمه تجرحها مدام احساسها جواها
وماحدش غيرها بتحسه
فاتقفل بعد ماتقوله
مافيش حاجة يادوب انا كنت بطمن ماتقلقشى
تحمد ربنا لما تلاقى مافيش دموع نزلت
وكل كلامه ماتقلشى وكلامها ماقلتهوش
فتتنهد براحه وتتاوب وتحلم انه هيجيلها
فى يوم ويقولها ازيك
ولو حتى فى حتة حلم
بصوت مرعوش


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.