كلمات قصيدة عارف ساعات روان صقر


عارف ساعات

كلمات: رووان صقر
اداء صوتي: زينة قُطري

عارف ساعات
لما تلاقيهم قربوا فتخاف تقرب
فايزيدوا قرب ,مشاعرك يستغربوا
فاتقول نجرب ,ايتقلب القرب حب
فايبعدوا فتخاف تعاتب
وان عاتبت يعندو وان سكت العيب عليك
فاتقول ف نفسك بكرا يجى حد تانى يحس بيك
عارف ساعات
تبقى مش عارف تفرق بين الكلام وبين السكات
فتختار تبوح وسط الكلام صوتك يروح فعنيك تدمع
والدموع تشيل الكلام وتبقى خايف حد يسمع
فتمسحها بمنديل اوام وتقول ف نفسك
ايه الى فيها بكرا نفسك حد يجى يحس بيها
عارف ساعات
تبقى وحدك وسط لمه
تبقى وحدك وسط ناس
يمكن عشان ف الناس دى ناس
كانوا معاك لكن خلاص
فاتبقى كاره وحدتك وكاره قعدتك وسطيهم
ولا تبقى عارف تعيش وحدك
ولا حتى عارف تعيش ليهم
لما تتعب من التفكير
بتقول كلام اتقال كتير
بكرا يجى حد ليا ويبقى عندى غير الغير
عارف ساعات
لو على الساعات فكتييييييير اووووى
لو على النتيجة فواحدة بس
النتيجة بتبقى بكرا حد يفهم أو يحس


شارك
PinterestShare

اضف رد

لن يتم نشر البريد الإلكتروني . الحقول المطلوبة مشار لها بـ *

*

Time limit is exhausted. Please reload CAPTCHA.