نصائح لدخول الجامعة الكليات العليا والعملية


نصائح لدخول الجامعة – جميع الكليات

  • اول يوم تاخد معاك ورقة الترشيح , لان دي بمثابة كارنيه دخولك الكلية , لحين استلام الكارنيه الخاص بك , بعد دفع المصروفات والصورة الشخصية الجديدة
  • الجامعة اهم مافيها لابد من معرفته ( العميد – الوكيل – شئون الطلاب ” التعامل معاها كتير جدا ” – الدكاترة ” دكتور او اتنين لكل مادة وقد يزيد في كليات الطب والهندسة “
  • المصروفات الجامعية لو ما دفعتهاش كل سنة , هتدفعها في اخر سنة كلها علي بعضها عشان تستلم شهادتك
  • الكتب بتشرتيها كتاب كتاب , كل دكتور له كتاب بتشتريه من القسم الخاص بالمادة , كل الكتب مش بتبقي في مكان واحد – معظم الكليات –
  • الكليات العملية – كلية الصيدلة – لكل مادة كتابين كتاب عملي وكتاب نظري , الكتاب العملي دا بيكون اهم من النظري لان عليه درجات وبتحضر بيه كل سكشن – حصة العملي – وبيتصحح كل سكشن ويترصد درجتك
  • حاول تتعرف علي ناس كتير , بالاخص الناس اللى في سكشن العملي معاك في الكليات العملية , او اشخاص مختلفة لان معظمهم مش هيدوم معاك
نصائح دخول الجامعة اول يوم

نصائح دخول الجامعة اول يوم

نظام المواد والنجاح في معظم الجامعات

  1. المذاكرة هي الطريق الوحيد المضمون للنجاح
  2. كلية طب واسنان الدراسة العام كامل والامتحان اخر العام مثل الثانوية العامة
  3. صيدلة علوم وكليات اخري العام ينقسم الى ترمين , وكل ترم ينقسم الى جزين بينهم امتحان ” اي بعد 5 اسابيع امتحان نص الترم “
  4. النجاح في كلية صيدلة من 60% وبعض الكليات النجاح من 50%
  5. تقدير مقبول من 60 – 64 %
  6. تقدير جيد من 65 – 74 %
  7. تقدير جيد جدا من 75 – 84 %
  8. تقدير امتياز 85 %
  9. لا قدر الله يوجد كلمة ضعيف او ضعيف جدا تكتب في المادة بدل التقدير , بمثابة عدم النجاح في هذه المادة
  10. اذا كانت ضعيف , ممكن نتيجتك تترفع وتنجح في المادة – الدكتور يضيفلك درجات زيادة عشان تنجح –
  11. اذا كانت ضعيف جدا , يعني انت هتمتحن المادة دي تاني , على حس بالكلية , اما الامتحان دور تاني نفس العام , او هتمتحنها تاني السنة الجاية
  12. في حالة عدم النجاح في اكثر من مادتين اساسيتين ( اي 3 مواد او اكثر ) , بمثابة كلمة راسب , سوف تعيد السنة لا قدر الله , وهتمتحن بس الـ 3 مواد او اكثر اللى انت ما نجحتش فيهم مش كل مواد الترم او السنة
  13. اعرف كل دكتور وكل مادة والامتحان بيكون فيها ازاي والاسئلة بتكون شكلها ايه , واعرف الاسئلة اللى بتتكرر , حاول تحل امتحان سنين فاتت قبل دخول الامتحان , معظم الامتحانات بتتكرر

نصائح دخول الجامعة الكليات العليا والعملية

  • بداية معرفتك بكليتك ابحث على الفيس بوك عن جروبات الكلية
  • قد لا تجد بعض جروبات الكليات في البحث لان معظمها تكون سرية
  • ان كان لديك صديق تعرفه يسبقك بعام او معك اسئله علي جروب سنة اولي في كليتك
  • اسئل علي صفحة الاتحاد او الشئون لكيتك , هذه الصفحات بتقدم دورة تمهيدية للطلاب الجددد كل عام في معظم الكليات تقريبا , بتتعرف من خلالها على الكلية وايه نظامها وزاي تتفوق فيها
  • الكليات العملية كطب واسنان وصيدلة اهم شيء فيها حضور السكاشن (العملي) , بلانه بيكون بدرجات , وهتفرق معاك الدرجات دي جدا
  • بعد مرور 5 اسابيع بالظبط في كلية صيدلة هتلاقي نفسك بتمتحن حاجة اسمها الشيت او الميدترم (نص الترم) , فاهتم بالمذاكرة من اول محاضرة
  • هتمسع عن حاجة اسمها كورسات ( الدروس ) , دي ممكن تفرق معاك جدا انك تتفوق من اول سنة لان هتلاقي اللي بيذاكرلك ويوجهك صح من اول حصة , عادة الكورسات بتبتدي من تاني اسبوع في الكلية
  • معظم الجامعات بيكون حوليها مكتبات بينزل فيها ورق الكورسات ده للطلبة اللى مش بتروح كورسات , عشان الماديات اولا وساعات بيوفروا الوقت اللى بيروحوا فيه الكورس , وبالاخص الطلاب اللى بيسافروا , بس برده اولا عشان الماديات

شارك
Share

اضف رد

لن يتم نشر البريد الإلكتروني .