كلمات اغنية من غير ليه هاني شاكر

من غير ليه

جايين الدنيا ما نعرف ليه
ولا رايحين ولا عايزين أيه

مشاوير مرسومة لخطاوينا
بنمشيها في غربة ليالينا مشاوير
يوم تجرحنا ويوم تفرحنا
واحنا ولا احنا عارفين ليه .. ليه

وزي ما جينا جينا
ومش بإيدينا بإدينا جينا

زي ما رمشك خد ليالي وحكم وأمر فيها وفي
ولقيت بيتي بعد الغربة … قلبك ده وعيونك دي
ولقيت روحي باحضان قلبك
بحلم واصحى واعيش على حبك
حتى في عز عذابي بحبك
عارف ليه
من غير ليه آه يا حبيبي بحبك

يلي زماني رماني رماني في بحر عينيك ونساني
وقالي انساني
في بحر عينيك يا حبيبي غريق
في بحر عينيك يا حبيبي غريق
لكن في أحلى ليالي زماني

تهت وتاهت دنيتي مني دنيتي مني دنيتي مني
بين أفراحي وبين أشجاني
دنيتي غنوة …. لأ
تنهيدة …. لأ
لأ شيء ثاني لأ شيء ثاني

دنيتي حبك حاجة حاسسها حاجة لمسها شايفها
حاجة حاسسها لمسها شايفها لكن ولا أوصاف توصفها

واحلم لو غمضت عيني احلام حلوة كثير وردية
فيها عيون وخدود وشفايف
بتطير بيا فوق ليالي
بتطير بيا فوق ليالي

أما بشوفك القاك احلى من الاحلام
كل الاحلام كل الاحلام
ياللي عينيك سهرت الدنيا ورمشك حضن السحر ونام
وده ليه يا ترى يجرالي اللي جرى
وده ليه يا ترى يجرالي اللي جرى
وما بفكر اسقيك اكثر ما بتسقيني الحب ليالي الحب ليالي
ملقاش فرحة جت على بالي إلا وحبك فرح حالي

وزي ما جينا جينا
ومش بإيدينا جينا
زي ما رمشك خد ليالي وحكم وأمر فيها وفي
ولقيت بيتي بعد الغربة … قلبك ده وعيونك دي
ولقيت روحي باحضان قلبك
بحلم واصحى واعيش على حبك
حتى في عز عذابي بحبك
عارف ليه
من غير ليه آه يا حبيبي بحبك

حبيبي آه يا حبيبي
كل ما فيك يا حبيبي حبيبي
شعرك ليلي جبينك قمري
حبك رحلة عمري ،،، عمري وقدري
ليلي حلي عمري حلي
وكل شيء في الكون حلي
لكن هنا تنهيدة ،،، تنهيدة
من القلب اللي من الخوف اللي ما خلي
واقول يا فرحة تمهلي وتمهلي وتمهلي
ده المبتلي بالحب مهما تهنا برضه مبتلي

خايف طيور الحب تهجر عشها وترحل بعيد
خايف على بحر الدفا ليلة شتاء يصبح جليد
خايف لبكره يجينا
تاخدنا من ليالينا
سكة عذاب تاه فيها أحباب
أحباب كثير كثير قبلينا

عارف كل الخوف من بكره ده ليه يا حبيبي
عارف سر عذابي وحيرتي ده ليه يا حبيبي
علشان انت الروح في الدنيا اللي بعيش فيها
وكل حياتي تضيع بعديها

ومش بإيدينا بإدينا جينا
زي ما رمشك خد ليالي وحكم وأمر فيها وفي
ولقيت بيتي بعد الغربة … قلبك ده وعيونك دي
ولقيت روحي باحضان قلبك
بحلم واصحى واعيش على حبك
حتى في عز عذابي بحبك
عارف ليه
من غير ليه آه يا حبيبي بحبك

شارك
شارك رابط مختصر:

    اترك تعليقاً

    لن يتم نشر عنوان بريدك الإلكتروني.