ما هي google adsense لاي مبتدأ يتعلم الربح من الانترنت ما هي جوجل ادسنس؟

ما هي شركة جوجل ادسنس Google adsense؟

شركة ربحية

هي الشركات دي فعلا صادقة؟
ايون صادقة

انت قبضت فلوس ومسكتها في ايدك؟
ايون ومسكتها في ايدي وصرفتها كمان ومستني اللى جاي ان شاء الله هههههههههه

طب دي سهلة؟
اي حاجة صعبة فى البداية

طب شغلها ازاي؟
دي اعلانات انت بتقدمها للناس لما حد بيضغط ع الاعلانات دي عشان يدخل يشوفها انت بتاخد فلوس مقابل الضغطة دي
وهكذا من كل واحد يجي و يضغط ع الاعلان

انت لما بتسجل في جوجل
بيبقي ليك رقم حساب في جوجل
من الرقم ده بتعمل بيه اعلاناتك
لما حد يضغط عليها جوجل بتعرف بقي من رقم حسابك ده ان دي اعلاناتك والفلوس تجيلك انت

طب انا ممكن اكسب خلال قد ايه كده؟
لا بص بقي
انت ممكن تقعد اول 3 شهور ما تكسبش
قصدي ما تكسبش فلوس في ايدك
بس تكسب الفلوس في حسابك عادي
لان حسابك لازم يتفعل الأول عشان تاخد الفلوس دي في ايدك
وممكن التفعيل يقعد اكتر من 3 شهور مثلا

وكده كده انت اصلا بتقبض كل شهر
يعني اعتبر ان اول 3 شهور هتقبضهم على بعض لما باذن الله حسابك يتفعل
المهم الحساب يتفعل الاول
وممكن يتفعل قبل كده كمان عادي

مكسبها كويس؟
بصراحة كويس جدا
بس على حسب شغلك بقي
فيه ناس بتعمل في اليوم 1
فيه بيعمل 2
فيه 3
فيه 200 دولار
فيه 1000 دولار
فيه اكتر ودا حقيقة

وكمان فيه سينتات
وكمان فيه ناس ما بيجيلهاش

على حسب شغلك هتاخد
والارقام الكبيرة دي بعدين مش من اول مرة كده

شغلي ازاي يعني؟
يعني هعمل ايه؟
ايه هو شغلي ده؟
مش انا قولت مرة ان مكسبك لما حد يشوف اعلاناتك ويضغط عليها؟
طب هيشوفوا اعلاناتك دي ازاي بقي؟
يبقي لازم انت تقدمهالهم
ازاي بقي؟
على موقع او مدونة الناس يدخلوا عليها
وعليها بقي هيشوفوا الاعلانات دي ولو ضغطوا عليها هتكسب انت بقي
يعني كل ما الزوار لموقعك او مدونتك يزيدوا
انت تكسب اكتر

الاعلانات اللى هي بتبقي دي ومكتوب عليها اعلانات جوجل

طب انا مش عندي موقع ولا مدونة؟
فيه حاجة بقي وهي بتبقي دايما الحل لكل المبتدئين
مع انك ممكن تعمل موقع او مدونة عادي
بس المشكلة ان موقعك او مدونتك دي مش هيكون عليها زوا راكيد لانها هتكون لسه جديدة فمش هيكون فيه مكسب
عشان ما فيش عليها ناس “زوار

فيه حاجة بقي اسمها مشاركة ارباح جوجل ادسنس

ايه دي؟
دي يعني ان واحد صاحب موقع
بيقول للاعضاء اللى عنده
اللى هيعملي موضوع عندي وليه حساب ادسنس
الاعلانات الى فى الموضوع ده هيبقي ليه نسبه فيها
يعني صاحب الموضوع مثلا 70% من المكسب والباقي لصاحب الموقع
وفيه مواقع بتقدم نسبة مشاركة 100% كاملة

يعني سهله اهه
واحد عنده موقع هيقدملك موقعه عشان عليه زوار
هتروح وتعمل مواضيع والاعلانات اللى هتظهر في المواضيع دي ليك نسبة ربح فيها
كتر ما انت هتعمل مواضيع
نسبة ربحك هتزيد
كل ما تعمل مواضيع كويسة الناس بتبحث عنها
هيجيلها زوار كتير
يبقي هتكسب اكتر
وهكذا

طب انا هتوصلي فلوسي ازاي؟
طريقتين كويسين جدا

الطريقة الأولى

بالبريد ممكن تجيلك فلوسك على بريدك وتستلمهم عادي جدا

الطريقة الثانية والافضل لانها الاسرع
عن طريق بنك ويسترن يونيون “Western Union” لتحويل الاموال
شركة جوجل ادسنس بتعتلك فلوسك على حساب فى البنك هي بتديلك رقمه اول ما تيجي تقبض فلوسك تاخد رقم الحساب وبطاقتك وتروح تستلم فلوسك

ودي فروعها كتير وفيه كتير في مصر
وبدل هي في مصر اصلا يبقي سهل توصلها “بتكلم عن المصريين اللى زيي يعني

شرح التسجيل في جوجل ادسنس “Google adsense” خلال يومين “48 ساعة”

واي استفسار ان شاء الله اقدر ارد عليه
الموقع

شارك
شارك رابط مختصر:

10 تعليق علي “ما هي google adsense لاي مبتدأ يتعلم الربح من الانترنت ما هي جوجل ادسنس؟

  • 12 يوليو، 2011 at 8:06 م
    Permalink

    العفووو يا جميل
    شرفتنا جدا

    Reply
  • 12 يوليو، 2011 at 7:55 م
    Permalink

    شــــــكــــــــــــــرا اوى

    Reply
  • 9 يوليو، 2011 at 6:00 م
    Permalink

    بدل انت مطلع بطاقة وهتسجل بيها وهيقبلوك في ادسنس
    ويستر ما لهاش بقي كلام معاك دا بيكون تحويل جاي وهتقبضه عادي

    Reply
  • 9 يوليو، 2011 at 5:29 م
    Permalink

    بوس يا مان انا عندى 17 سنة بس مطلع البطاقة و لو حاولت اسحب الفلوس من بنك Western Union فهل حيقبلوا يعطونى الاموال
    يعنى مش ممكن يقولى عمرك غير مناسب

    Reply
  • 1 يونيو، 2011 at 11:45 م
    Permalink

    ياااااااااااااااارب ربنا يسمع منكـ ويطمنكـ زى ما انت مطمنى كده يا عمرو وبجد انا مصدق نفسى ان لسه فى امل انى اتقبل فى جوجل ادسنس يااااااارب يقدركـ على مساعدتى يارب

    Reply
  • 1 يونيو، 2011 at 4:27 ص
    Permalink

    باذن الله خير يا باشا وان شاء الله يقبل حسابك وبكل سهولة كمان باذن الله

    Reply
  • 1 يونيو، 2011 at 3:05 ص
    Permalink

    ان شاء الله عمرو مش هايخيب ظنك باذن الله بكرا هايجي ويساعدك
    منورنا ياهشام

    Reply
  • 1 يونيو، 2011 at 2:54 ص
    Permalink

    انا اسمى هشام يا جماعه ارجوكم محتاج مساعده فى جوجل ادسنس انا بقالى شهور بحاول ومش قادر اشترك ياريت تساعدونى وتقفى جانبى لانى وصلت لهنا بأعجوبه وربنا اللى يعلم انا تعبت وزهقت قد ايه وبرضه موصلتش لحل منتظر ردكم

    Reply
  • 12 نوفمبر، 2010 at 2:12 ص
    Permalink

    مشكور اخي علي المووضوع

    جزاك الله خيراااا

    Reply
  • 12 نوفمبر، 2010 at 2:11 ص
    Permalink

    مشكور اخي علي المووضع

    جزاك الله خيراااا

    Reply
  • 5 نوفمبر، 2010 at 1:00 ص
    Permalink

    شكرا ع الموضوع
    تسلم ايدك

    Reply

اترك تعليقاً

لن يتم نشر عنوان بريدك الإلكتروني.