مساء الحوسة

مساء الحوسه
والمذاكرة المنحوسه
والدماغ الملحوسه
ويارب ينجحنا ولو بالكوسه

بدأ حصريا على قناة ( محناش نافعين )
الفيلم المرعب (الامتحانات )
الحائز عل جائزة ( كله كلام فارغ )
لتعذيب الطلاب
بطولة عدد كبير من الدكاتره

ما معنى امتحان ؟؟؟؟

أ : أيام نكد وعذاب
م : مخ من المذاكره داب
ت : تعب وزهق واللى يقول غيره كده كداب
ح : حاله نفسية هباب
ن : نرفزه وملل من الكتاب

تعريف الطالب الجامعى

هو كائن نصف حى
شبه ميت
مطحون دراسيا
مخنوق يوميا
مقهور منهجيا
ومن كتر الضغط أصبح غبيا
وبعد النتيجة
إتهطل رسميا

قمه الهدوء :
انك تقرا كتاب مش فاهمه

قمه الهبل :
انك تقلب الصفحة

قمه التناحه :
انك تمتحن فيه

قمه النفاق :
انك تدعى للدكتور اللى مقررة

حاسس بدماغى بتاكلنى
قاعد فى اللجنه باهلفط
والورق عمال يتشخبط
والأستاذ اللى ورايا قدامى
والاجابة على طرف لسانى
اجى اجاوب بتلخبط
والواد اللى ورايا بيغني
واللى جنبى يغش مني
والبنات تلطم وتصوت

زي ما قال المطرب الكبير

انا مهما ذاكرت هبرشم
انا مهما ذاكرت هشيل
مش ممكن يوم اتغير
ولا عمرى هجيب تقدير

بمنسابة الإمتحانات

نتمنى لكم
غش مستور
وبرشام منصور
ومراقب طرطور

نحن قوم لا تهزنا رياح عاتية
فكيف تهزنا ورقة فيها
أجب عن الأسئلة الآتيه

عروض الامتحانات قويه السنه دى
ليه تشيل ماده لما ممكن تشيل مادتين ..
شيل واحده وخد التانيه هديه ..
ليه تشيل لوحدك شيل انت وصحابك ..
مع نظام افشل ناس اختار ثلاثه من اصحابك يشيلوا معاك

شارك
شارك رابط مختصر:

4 تعليق علي “مساء الحوسة

  • 10 نوفمبر، 2010 at 4:09 م
    Permalink

    منورين ياجماعه

    Reply
  • 8 نوفمبر، 2010 at 3:27 ص
    Permalink

    ههههههههههههههههههههههههههههههههههههههههههههههههههههههه

    Reply
  • 7 نوفمبر، 2010 at 10:17 م
    Permalink

    ههههههههههههههههههههه
    تحفة لوم اختار 3 من اصحابي يشيلو معاية الحياة صعبة اوي ههههههه

    Reply
  • 6 نوفمبر، 2010 at 8:38 م
    Permalink

    فرفش التفاؤل ماله السنادى ها هههههههههههه وعلى رئيك مساااء الحوسه موت يعنى هههههههههههه تسلم صوابعينك

    Reply

اترك تعليقاً

لن يتم نشر عنوان بريدك الإلكتروني.